ആകാശത്തിനുമപ്പുറം: വടകര മേഖലാ ബാലവേദി ചാന്ദ്രദിന സംഗമം

വടകര : കേരള ശാസ്ത്രസാഹിത്യ പരിഷത്ത് വടകര മേഖലാ ബാലവേദി ചാന്ദ്രദിന സംഗമം “ആകാശത്തിനുമപ്പുറം” പുതുപ്പണം ജെഎൻഎംജിഎച്ച്എസ് സ്കൂളിൽ നടന്നു. പരിഷത്ത് ജെഎൻഎം യൂണിറ്റ് പ്രസിഡണ്ട് പി. പ്രശാന്തി ടീച്ചറുടെ അധ്യക്ഷതയിൽ നടന്ന ചടങ്ങിൽ പരിഷത്ത് മുൻ ജില്ലാ സെക്രട്ടറി കെ.വിജയൻ മാസ്റ്റർ സംഗമം ഉദ്ഘാടനം ചെയ്തു.  മനുഷ്യൻ ചന്ദ്രനിലിറങ്ങിയ ചരിത്രമുഹൂർത്തത്തിൻ്റെയും ഇന്ത്യക്കാരനായ ശുഭാംശു ശുക്ലയുടെ ബഹിരാകാശ നിലയത്തിലേക്കുള്ള യാത്രയുടേയും തിരികെ ഭൂമിയിലേക്കുമുള്ള സഞ്ചാരത്തിൻ്റെയും ഡോക്യുമെൻ്ററികൾ പ്രദർശിപ്പിച്ചു.  വടകര മേഖലയിലെ വിവിധ പരിഷത്ത് യൂണിറ്റുകളിൽ നിന്നായി 125ലേറെ വിദ്യാർത്ഥികൾ സംഗമത്തിൽ പങ്കെടുത്തു. പ്രോഗ്രാം കോ ഓഡിനേറ്റർ ടി.വി.എ.ജലീൽ സ്വാഗതവും പരിഷത്ത് വടകര മേഖലാ സെക്രട്ടറി എം.സി. സജീവൻ നന്ദിയും പറഞ്ഞു.

സംഗമത്തിൻ്റെ സമാപന സെഷനിൽ നടന്ന ചാന്ദ്രദിന ക്വിസിന് ടി.വി.എ ജലീൽ മാസ്റ്റർ നേതൃത്വം നൽകി.  യു.പി വിഭാഗത്തിൽ ഫെലിസ് എസ് ഷാജി (ചെട്ട്യാത്ത് യു.പി) ഒന്നാം സ്ഥാനവും ഇമ അനീഷ് (ചീനംവീട് യു.പി) രണ്ടാം സ്ഥാനവും ദ്യുതി ജയപാൽ (മേപ്പയിൽ ഈസ്റ്റ് എസ്.ബി), ആർഷിയ ആർ.നാഥ് (ചീനംവീട് യു.പി) എന്നിവർ മൂന്നാം സ്ഥാനവും നേടി.

ഹൈസ്കൂൾ വിഭാഗത്തിൽ ലാമിയ എസ്.എസ്, ഹരികാർത്തിക് എം (ജെഎൻഎംജിഎച്ച്എസ്എസ്) എന്നിവർ ഒന്നാം സ്ഥാനവും അഭിനവ് (ജെഎൻഎംജിഎച്ച്എസ്എസ്) രണ്ടാം സ്ഥാനവും ആനന്ദ് എം (മേമുണ്ട എച്ച്എസ്എസ്) മൂന്നാം സ്ഥാനവും നേടി.

ഹയർ സെക്കണ്ടറി വിഭാഗത്തിൽ അസീൽ മറിയം (ജെഎൻഎംജിഎച്ച്എസ്എസ്) ഒന്നാം സ്ഥാനം കരസ്ഥമാക്കി.