🟣യൂണിറ്റ് സൗഹൃദ യാത്ര

എറണാകുളംജില്ല  – പെരുമ്പാവൂർ മേഖല : 2025 ജൂൺ 16

മേഖലയിൽ നിന്നും യൂണിറ്റുകൾ തോറും നടത്തുന്ന യൂണീറ്റ് സൗഹൃദയാത്രക്ക് കൊമ്പനാട് യൂണീറ്റ് സ്വീകരണ സദസ്സ് സംഘടിപ്പിച്ചു. യൂണീറ്റ് പ്രസിഡൻ്റ് K k. കൃഷ്ണൻ കുട്ടിയുടെ അധ്യക്ഷതയിൽ ചേർന്ന യോഗത്തിൽ മേഖലയിൽ നിന്നുമുള്ള പ്രതിനിധികൾ ഉൾപ്പെടെ 21 അംഗങ്ങൾ പങ്കെടുത്തു.

യൂണിറ്റിൽ നടന്ന പ്രവർത്തനങ്ങളെ കുറിച്ചുള്ള ചെറുവിവരണത്തോടൊപ്പം യൂണീറ്റ് കമ്മിറ്റി സെക്രട്ടറി പോൾ സ്വാഗതം പറഞ്ഞു തുടർന്ന് യാത്രയുടെ ലക്ഷ്യവും മേഖലയിലും യൂണീറ്റിലും നടക്കേണ്ടുന്ന പ്രവർത്തനങ്ങളേക്കുറിച്ചും മേഖലയിൽ നിന്നും പങ്കെടുത്ത അംഗങ്ങൾ വിശദമായി സംസാരിച്ചു. തുടർന്ന് പങ്കെടുത്ത മുഴുവൻ അംഗങ്ങളും യൂണിറ്റിൽ നടക്കേണ്ടുന്ന വിഷയങ്ങളെ അധികരിച്ചും അതിനു വേണ്ടി നടപ്പിലാവേണ്ട പുതിയ രീതികളെ കുറിച്ചും ഇടപെട്ട് ചർച്ചിയിൽ ഏർപ്പെട്ടു.

പ്രത്യേകിച്ച് യുവ പ്രതിനിധികളായി ചർച്ചയിൽ ഇടപെട്ട് സംസാരിച്ച അനന്യ, വിഷ്ണുപ്രസാദ്,എൽഫിൻ , ആരതി തുടങ്ങിയവരുടെ സംസാരങ്ങൾ പുതുമയുള്ളതും യുവാക്കളെയും അവരുടെ ചിന്തകളേയും എങ്ങനെയാണ് പഴയ തലമുറ ഉൾക്കൊള്ളേണ്ടത്, അതനുസരിച്ച് എങ്ങനെയൊക്കെയാണ് പ്രവർത്തനങ്ങളെ പുതുതായി ക്രമപ്പെടുത്തേണ്ടത് എന്ന് പഴയ തലമുറക്ക് മനസ്സിലാക്കാൻ പ്രേരിപ്പിക്കുന്നതുമായിരുന്നു.

വിവിധ വിഷയങ്ങളുമായി ബന്ധപ്പെട്ട് സംഘടനാ തലത്തിലും യൂണിറ്റിൽ തനതായ പ്രവർത്തനങ്ങളിലും,

ജില്ലാ വാർഷികവുമായി ബന്ധപ്പെട്ട് നടക്കുന്ന പ്രത്യേക ക്യാംപയിൻ്റെ ഭാഗമായി ആരോഗ്യ വിഷയത്തിൽ കേന്ദ്രീകരിച്ച് യൂണിറ്റിൻ്റെ പരിമിതിയിൽ നിന്നുകൊണ്ട് യോജിക്കാവുന്ന ആളുകളും ഗ്രൂപ്പുകളുമായി ചേർന്ന് പഞ്ചായത്തിൽ, തുടർപ്രവർത്തനങ്ങളിൽ ഏർപ്പെടുവാനും തീരുമാനമുണ്ടായി.

യൂണിറ്റ് കമ്മിറ്റി അംഗം ശ്രീ .രതീഷ് A B നന്ദി പറഞ്ഞു കൊണ്ട് യോഗം അവസാനിച്ചു.