മഴയൊരുക്കം. സയൻസ് സെന്ററിൽ ശില്പശാല സംഘടിപ്പിച്ചു.
കുസാറ്റ് റഡാർ കേന്ദ്രം ഡയറക്ടർ ഡോ. എസ് അഭിലാഷ് ശില്പശാല ഉദ്ഘാടനം ചെയ്തു.
മഴയെ അറിയാം മഴയെ അളക്കാം ശില്പശാല തുരുത്തിക്കര സയൻസ് സെന്ററിൽ സംഘടിപ്പിച്ചു. കുസാറ്റ് റഡാർ കേന്ദ്രം ഡയറക്ടർ ഡോ. എസ് അഭിലാഷ് പരിപാടി ഉദ്ഘാടനം ചെയ്തു. സയൻസ് സെന്റർ എക്സിക്യൂട്ടീവ് കമ്മിറ്റി അംഗം ലാലി കെഎസ് അധ്യക്ഷത വഹിച്ച യോഗത്തിൽ *വയനാട് ഹ്യൂം സെന്റർ ഡയറക്ടർ ഡോ. വിഷ്ണുദാസ് ,,ക്ലൈമറ്റ് ആക്ഷൻ ലീഡ് എ.ആർ. രഞ്ജിനി എന്നിവർ വിഷയാവതരണം നടത്തി.* യോഗത്തിൽ ആമ്പല്ലൂർ ഗ്രാമപഞ്ചായത്തിൽ മഴ മാപിനികൾ സ്ഥാപിച്ചു കൊണ്ട് മഴയളക്കൽ പ്രവർത്തനത്തിൽ പങ്കാളികളായ കുടുംബങ്ങളെ ആദരിച്ചു. ഗ്രാമപഞ്ചായത്ത് അംഗങ്ങളായ മഞ്ജു അനിൽകുമാർ, ലിജോ ജോർജ്, ജെറിൻ ടി ഏലിയാസ്, സുസ്ഥിര ഫൗണ്ടേഷൻ സീനിയർ പ്രോഗ്രാം ഓഫീസർ
ആഗ്നസ്, ഹരിതകേരളം മിഷൻ റിസോഴ്സ് പേഴ്സൺ കെ ടി രത്നാ ഭായ്, എഡ്രാക്ക് ആമ്പല്ലൂർ മേഖലാ പ്രസിഡന്റ് കെ.എ. മുകുന്ദൻ,സെക്രട്ടറി ടി.ആർ. ഗോവിന്ദൻ ശാസ്ത്ര സാഹിത്യപരിഷത്ത് മേഖലാ പ്രസിഡണ്ട് എ.ഡി. യമുന ,സയൻസ് എക്സിക്യൂട്ടീവ് ഡയറക്ടർ പി എ തങ്കച്ചൻ എന്നിവർ പ്രവർത്തനങ്ങൾക്ക് നേതൃത്വം നൽകി
