ബാലവേദി രൂപീകരിച്ചു
വട്ടിയൂർക്കാവ് യൂണിറ്റിൽ യുറീക്കാ ബാലവേദി രൂപീകരിച്ചു. എ പി ജെ അബ്ദുൾ കലാം യുറീക്കാ ബാലവേദി എന്നാണ് പേരിട്ടിരിക്കുന്നത്. നിർവ്വാഹക സമിതി അംഗം അഡ്വ വി കെ നന്ദനൻ ഉദ്ഘാടനം നിർവ്വഹിച്ചു. ബാലവേദി പ്രസിഡന്റായി കുമാരി ശ്രദ്ധ എൻ ഷാജി, സെക്രട്ടറിയായി കുമാരി ദിവ്യ കെ, വൈസ് പ്രസിഡൻറായി സൗരവ്, ജോ. സെക്രട്ടറിയായി കുമാരി ഹരീഷ്മ എന്നിവരെ തിരഞ്ഞെടുത്തു. 25 കുട്ടികൾ രൂപീകരണ പരിപാടിയിൽ പങ്കെടുത്തു. പങ്കെടുത്ത കുട്ടികൾക്കെല്ലാം യൂണിറ്റ് വക നോട്ട്ബുക്കുകൾ സമ്മാനമായി നൽകി. തുടർന്ന് പി ഗിരീശൻ നടത്തിയ ലഘു ശാസ്ത്ര പരീക്ഷണങ്ങൾ കുട്ടികളിൽ ആഹ്ലാദവും കൗതുകവുമുണർത്തി. USS സ്കോളർഷിപ്പ് പരീക്ഷയിൽ വിജയം നേടിയ കുമാരി ഹരീഷ്മയ്ക്ക് പരിഷത്ത് ശാസ്ത്രപുസ്തകം സമ്മാനമായി നൽകുകയുണ്ടായി. യൂണിറ്റ് പ്രസിഡണ്ട് രാജു കുര്യൻ അദ്ധ്യക്ഷത വഹിച്ച ചടങ്ങിൽ യൂണിറ്റ് ബാലവേദി കൺവീനർ ഗീത സ്വാഗതം പറഞ്ഞു. യൂണിറ്റ് സെക്രട്ടറി പ്രശാന്ത്, മേഖലാ സെക്രട്ടറി അനിൽകുമാർ എന്നിവരും പരിപാടിയിൽ പങ്കെടുത്തു.
