ലഹരിയ്ക്കെതിരെ യുവത; ലോഗോ പ്രകാശനം ചെയ്തു.
യുവസമിതി വയനാട്
കമ്പളക്കാട് : കേരള ശാസ്ത്രസാഹിത്യ പരിഷത്ത് യുവസമിതിയുടെ ആഭിമുഖ്യത്തിൽ ജില്ലാതലത്തിൽ സംഘടിപ്പിക്കുന്ന ‘ലഹരിയ്ക്കെതിരെ യുവത’ ലഹരിവിരുദ്ധ ക്യാമ്പയിന്റെ ലോഗോ പ്രകാശനം കേരള ശാസ്ത്രസാഹിത്യ പരിഷത്ത് കൽപ്പറ്റ മേഖലാ സമ്മേളനത്തിൽ വച്ച് എം. എസ്. സ്വാമിനാഥൻ റിസർച് ഫൗണ്ടേഷനിലെ സയന്റിസ്റ്റ് ജോസഫ് ജോൺ സ്റ്റെർക് വൈസ് ചെയർപേഴ്സൺ പി. ആർ. മധുസൂദനൻ എന്നിവർ ചേർന്ന് നിർവഹിച്ചു.
ലോഗോ രൂപകല്പന ചെയ്ത അഖിൽ കൃഷ്ണന് പരിഷത്ത് ജില്ലാ സെക്രട്ടറി പി. അനിൽകുമാർ സ്നേഹോപഹാരം നൽകി.
ക്വാണ്ടം സയൻസ് വർഷത്തിന്റെ ഭാഗമായി യുവ സമിതിയുടെയും ശാസ്ത്രാവബോധസമിതിയുടെയും പരിഷത്ത് കൽപ്പറ്റ മേഖലാ കമ്മിറ്റിയുടെയും സംയുക്താഭിമുഖ്യത്തിൽ കാലിക്കറ്റ് സർവകലാശാല അധ്യാപക വിദ്യാഭ്യാസ കേന്ദ്രത്തിൽ നടത്തിയ ശാസ്ത്ര ക്വിസ് മത്സര വിജയികൾക്കുള്ള സമ്മാനവിതരണം പരിഷത്ത് ജില്ലാ ട്രഷറർ പി. സി. ജോൺ, പരിസരവിഷയസമിതി കൺവീനർ എം. ബാലഗോപാലൻ, ആരോഗ്യവിഷയസമിതി കൺവീനർ വി. പി. ബാലചന്ദ്രൻ എന്നിവർ ചേർന്ന് നടത്തി. യുവസമിതി ജില്ലാ ചെയർപേഴ്സൺ എം. പി. മത്തായി, യുവസമിതി ജില്ലാ കൺവീനർ കെ. എ. അഭിജിത്ത് എന്നിവർ സംസാരിച്ചു.
