പാലക്കാട്: വാളയാര്‍ അട്ടപള്ളം പെണ്‍കുട്ടികളുടെ മരണത്തിന്റേയും അട്ടപാടി മഞ്ചുകണ്ടിയിലെ പോലീസ് നടപടിയുടെയും പശ്ചാത്തലത്തില്‍ ‘വധശിക്ഷയും പൗരസമൂഹവും’ എന്ന വിഷയത്തില്‍ സംവാദം സംഘടിപ്പിച്ചു. വസീം മാലിക്ക് ഒ പി അദ്ധ്യക്ഷത വഹിച്ച സംവാദസദസ് യുവ എഴുത്തുകാരന്‍ പി.എം വ്യാസന്‍ ഉദ്ഘാടനം ചെയ്തു. ചലച്ചിത്ര നിരൂപകന്‍ ജിതിന്‍ കെ.സി വിഷയാവതരണം നടത്തി. അനൂപ് സ്വാഗതവും രൂപിക കെ നന്ദിയും പറഞ്ഞു. അഭിജിത് സുദര്‍ശന്‍, നിഫില്‍, ബാലു, അര്‍ജുന്‍ എന്നിവര്‍ നേതൃത്വം നല്‍കി.
