കണ്ണൂർ: ശാസ്ത്രസാഹിത്യ പരിഷത്ത് തളിപ്പറമ്പ് മേഖലാ കമ്മറ്റിയുടെ നേതൃത്വത്തിൽ ജൂൺ 3 ഞായറാഴ്ച ഹരിതവണ്ടി പ്രയാണം നടത്തി. മോറാഴ വില്ലേജ് ഓഫീസ് പരിസരത്ത് റേഞ്ച് ഫോറസ്റ്റ് ഓഫീസർ സോളമൻ.ടി.ജി.ഉദ്ഘാടനം ചെയ്തു. ലഘുലേഖാ പ്രകാശനം പ്രൊഫ.എൻ.കെ.ഗോവിന്ദന് നൽകി വില്ലേജ് ഓഫീസർ എൽ.ലേഖ നിർവഹിച്ചു. വാർഡ് കൗൺസിലർ ടി.യു.സുനിത അധ്യക്ഷത വഹിച്ചു. പതിനേഴ് കേന്ദ്രങ്ങളിൽ |വൃക്ഷത്തൈകളും ലഘുലേഖയും വിതരണം ചെയ്യുന്നതോടൊപ്പം പരിസരദിനാചരണത്തിന്റെ പ്രാധാന്യം വിശദമാക്കിക്കൊണ്ടുള്ള ലഘു പ്രഭാഷണവും നടത്തി. ആകെ 1550 വൃക്ഷത്തൈകൾ വിതരണം ചെയ്തു. ഓഷധി, ഫോറസ്റ്റ് വകുപ്പ് എന്നിവിടങ്ങളിൽ നിന്നായാണ് വൃക്ഷത്തൈകൾ സമാഹരിച്ചത്. എല്ലാ യൂണിറ്റുകളിലും ഗ്രാമപത്ര അനാച്ഛാദനവും നടത്തി.
