അന്താരാഷ്ട്ര ഗ്രാമീണ വനിതാദിനാചരണം – ആറ്റിങ്ങൽ മേഖല

അന്താരാഷ്ട്ര ഗ്രാമീണ വനിതാ ദിനത്തോടനുബന്ധിച്ച് ആറ്റിങ്ങൽ മേഖലയിൽ പെരുങ്ങുഴി യൂണിറ്റ് ഗ്രാമീണ വനിതകൾക്കായി 27.10.2024 ന് അഴൂർ പഞ്ചായത്ത് കമ്മ്യൂണിറ്റി ഹാളിൽ ക്ലാസ്സും ആദരിക്കൽ ചടങ്ങും സംഘടിപ്പിച്ചു. അഴൂർ പഞ്ചായത്ത് പ്രസിഡെന്റ് ആർ. അനിൽ ഉദ്ഘാടനം ചെയ്തു. മേഖലാ ജെൻഡർ ചെയർ പേഴ്സൺ ബി. ലില്ലി അധ്യക്ഷയായ യോഗത്തിന് യൂണിറ്റ് സെക്രട്ടറി ഷൈനി അനീഷ് സ്വാഗതം പറഞ്ഞു.

            പരിഷത്ത് പ്രവർത്തകനായ ഡി. സുചിത്രൻ ക്ലാസ്സ് നയിച്ചു. ചോദ്യോത്തര രൂപത്തിൽ അവതരിപ്പിച്ച ക്ലാസ്സ് നല്ലൊരു ചർച്ചക്ക് അവസരമൊരുക്കി. ജില്ലാ ജെൻഡർ കൺവീനർ സിനി എസ് സംസാരിച്ചു. പരിഷത് പ്രവർത്തകരായ ബി രവി, വിജു.ടി സൗമ്യ സന്തോഷ് എന്നിവരും ജനപ്രതിനിധികളായ അംബിക, റെജി എന്നിവരും പങ്കെടുത്തു.

     കഷകർ, കുടുംബശ്രീ പ്രവർത്തകർ, സംരംഭകർ തുടങ്ങിയവർ തൊഴിൽ രംഗത്തെ പ്രതിസന്ധികളെ കുറിച്ച് സംസാരിച്ചു.

           മേഖലാ കൺവീനർ പ്രേമ നന്ദി പറഞ്ഞ യോഗത്തിൽ കാർഷികവൃത്തിയിലേർപ്പെട്ട സെലീന, രമ്യ എന്നിവരെ സഹകരണ സംഘം പ്രസിഡെന്റും കയർ സംഘം സെക്രട്ടറിയുമായ ആർ. അജിത് പൊന്നാടയണിയിച്ച് ആദരിച്ചു.