ബിഷപ്പ് ഫ്രാങ്കോ മുളയ്ക്കലിനെ അറസ്‌റ് ചെയ്യണമെന്ന് ആവശ്യപ്പെട്ടുകൊണ്ട് എറണാകുളം ഹൈക്കോടതി ജംഗ്ഷനിലെ വഞ്ചി സ്‌ക്വയറില്‍ ഉപവാസമനുഷ്ഠിക്കുന്ന കന്യാസ്ത്രീകള്‍ക്ക് പരിഷത്ത് ഐക്യദാഢ്യം പ്രഖ്യാപിച്ചു. ജനറല്‍ സെക്രട്ടറി ടി.കെ മീരാഭായ്, സംസ്ഥാന വൈസ് പ്രസിഡണ്ട് ഡോ.കെ.എന്‍ ഷാജി,നിര്‍വ്വാഹക സമിതി അംഗങ്ങളായ പി എ തങ്കച്ചന്‍, പ്രൊഫ. പി ആര്‍ രാഘവന്‍, ജില്ലാ പ്രസിഡണ്ട് കെ ആര്‍ ശാന്തിദേവി, ജില്ലാ കമ്മിറ്റി അംഗങ്ങളായ എം കെ രാജേന്ദ്രന്‍ തുടങ്ങി ജില്ലാ മേഖലാ പ്രവര്‍ത്തകര്‍ പങ്കെടുത്തു.
