എറണാകുളം മേഖലയിൽ ചിറ്റൂൂർ യൂണിറ്റിൽ ഗ്രാമശാസ്ത്രകേന്ദ്രം ഉദ്ഘാടനം ചെയ്തു.

ചിറ്റൂർ

എറണാകുളം മേഖലയിൽ ചിറ്റൂർ യൂണിറ്റിൽ ഗ്രാമശാസ്ത്രകേന്ദ്രം ഉദ്ഘാടനം ചെയ്തു. ചിറ്റൂർ ടെലഫോൺ എക്സ്ചേഞ്ചിനടുത്ത് സംരക്ഷ ചാരിറ്റബിൾ സൊസൈറ്റിക്ക് സമീപമാണ് കേന്ദ്രം സ്ഥിതിചെയ്യുന്നത്. ജില്ലാപഞ്ചായത്തംഗം യേശുദാസ് പറപ്പിള്ളി ഉദ്ഘാടനം നിർവ്വഹിച്ചു. കേരളശാസ്ത്രസാഹിത്യപരിഷത് കേന്ദ്രനിർവ്വാഹകസമിതിയംഗവും തുരുത്തിക്കര ശാസ്ത്രകേന്ദ്രം എക്സിക്യുട്ടീവ് ഡയറക്ടറുമായ പി എ തങ്കച്ചൻ മുഖ്യപ്രഭാഷണം നടത്തി. സഹകരണബാങ്ക് പ്രസിഡന്റ്  കെ.ജെ.ഡിവൈൻ, ഷാജി ജോർജ്ജ് പ്രണത, എ ആർ രതീശൻ, സംരക്ഷപ്രവർത്തകർ, ശാസ്ത്രസാഹിത്യപരിഷത് സംസ്ഥാന ജില്ലാ മേഖലാ യൂണിറ്റ് ഭാരവാഹികളും അഭ്യുദയകാംക്ഷികളും പങ്കെടുത്ത ചടങ്ങിന് ചിറ്റൂർ യൂണിറ്റ് പ്രസിഡണ്ട് ബാബു ഈരത്തറ അദ്ധ്യക്ഷത വഹിച്ചു. കൺവീനർ ഡോ.എം ഡി ആലിസ് സ്വാഗതവും സെക്രട്ടറി വസന്തകുമാർ നന്ദിയും പറഞ്ഞു.