മേഖല പ്രവർത്തകയോഗം – കഴക്കൂട്ടം മേഖല

കഴക്കൂട്ടം സെൻറ് ആൻറണീസ് എൽ.പി സ്കൂളിൽ വച്ച് കൂടിയ (24.11.2024)കേരള ശാസ്ത്രസാഹിത്യ പരിഷത്ത് കഴക്കൂട്ടം മേഖല പ്രവർത്തക യോഗം (തിരുവനന്തപുരം ജില്ല) ‘തോൽപ്പിച്ചാൽ ഗുണനിലവാരം കൂടുമോ?’ വിഷയം അവതരിപ്പിച്ചുകൊണ്ട് സംസ്ഥാന പ്രസിഡൻറ് ബി.രമേശ് ഉദ്ഘാടനം ചെയ്തു. മേഖലാ പ്രസിഡൻറ് ഡി.ദേവപാലൻ അധ്യക്ഷത വഹിച്ച യോഗത്തിൽ മേഖല സെക്രട്ടറി ബാബുക്കുട്ടൻ .എസ് റിപ്പോർട്ടും, ട്രഷറർ സുനിൽകുമാർ കണക്കും അവതരിപ്പിച്ചു. ഭാവി പ്രവർത്തന പരിപാടികൾ മുൻ തിരുവനന്തപുരം ജില്ലാ പ്രസിഡൻറ് ഹരികൃഷ്ണൻ അവതരിപ്പിച്ചു. തുടർന്ന് നടന്ന ചർച്ചകൾക്കും, റിപ്പോർട്ട് ക്രോഡീകരണത്തിനും ശേഷം കഴക്കൂട്ടം യൂണിറ്റ് സെക്രട്ടറി അനീഷ്കുമാർ.വി.വി കൃതജ്ഞത രേഖപ്പെടുത്തി.