പാറക്കടവിൽ മേഖലാപഠന കൂടിയിരിപ്പ് നടന്നു.
Para Mek
പാറക്കടവ് മേഖലാ ഏകദിനപഠന കൂടിയിരിപ്പ് പ്രസിഡണ്ട് പി എസ് വിജയലക്ഷ്മിയുടെ അദ്ധ്യക്ഷതയിൽ ജൂലൈ 31ന് രാവിലെ 10 മണി മുതൽ 4 വരെ നടന്നു.’ശാസ്ത്രം എന്നു ചേർത്തതു കൊണ്ട് ശാസ്ത്രീയമാകുമോ?’എന്ന വിഷയത്തിൽ ജില്ലാപ്രസിഡണ്ട് ഡോഎൻ ഷാജി യുടെ നേതൃത്വത്തിൽ നടന്നപങ്കാളിത്ത ചർച്ചയിൽ പ്രതിനിധികൾ സജീവമായി പങ്കെടുത്തു. ‘ശാസ്ത്രസാഹിത്യ പരിഷത്തിൻറെ പ്രവർത്തനങ്ങൾ സമൂഹത്തിനാവശ്യമാണോ?’എന്ന വിഷയത്തിൽ നടന്ന ചർച്ച മുൻ സംസ്ഥാനപ്രസിഡണ്ട്
എ .പി.മുരളിധരൻ നയിച്ചു. തുടർന്നു നടന്ന കൺവെൻഷനിൽ സംസ്ഥാനവാർഷികം അവലോകനവുംപ്രമേയങ്ങളം ശ്രീ. പി വി വിനോദ് ( ജില്ലാ ജോ. സെക്രട്ടറി ) വിശദീകരിച്ചു.ഭാവിപ്രവർത്തന ദിശയുടെ അവതരണം ജില്ലാ വികസന ഉപസമിതി കൺവീനർ കെ കെ വിജയപ്രകാശ് നടത്തി. തുടർന്ന് നടന്ന ചർച്ചകളിലൂടെ അംഗത്വം വർദ്ധിപ്പിക്കൽ യുണിറ്റ് കൺവെൻഷൻ, ചാന്ദ്രദിന പരിപാടികൾ വിജ്ഞാനോൽസവം തുടങ്ങിയ ഭാവി പരിപാടികൾ തീരുമാനിച്ചു.കെ.പി. ജോർജ് ( മേഖല സെക്രട്ടറി) സ്വാഗതം പറഞ്ഞു/
