ഭരണകൂടഭീകരതക്കെതിരെ സർഗപ്രതിരോധസംഗമം – സംഘാടകസമിതി

ഭരണകൂടഭീകരതക്കും സ്വേഛാധിപത്യത്തിനും ശാസ്ത്രനിരാസത്തിനുമെതിരെ കേരള ശാസ്ത്രസാഹിത്യ പരിഷത്ത് കോലഴി മേഖലയുടെ ആഭിമുഖ്യത്തിൽ സംഘടിപ്പിക്കുന്ന സർഗപ്രതിരോധസംഗമത്തിന്റെ സംഘാടകസമിതി രൂപീകരിച്ചു. 2023 സെപ്തംബർ 24 ഞായറാഴ്ച അവണൂർ പഞ്ചായത്ത് കമ്യൂണിറ്റി ഹാളിലാണ് ഏകദിനപരിപാടി സംഘടിപ്പിച്ചിട്ടുള്ളത്. കേരള സംഗീത നാടക അക്കാദമി ചെയർമാൻ കരിവള്ളൂർ മുരളി സംഗമം ഉദ്ഘാടനം ചെയ്യും. വിവിധ കലാപരിപാടികൾ അരങ്ങേറും. രാഷ്ട്രീയ- സാഹിത്യ-സാംസ്കാരിക- സാമൂഹിക രംഗങ്ങളിൽ ഉള്ള പ്രമുഖർ പങ്കെടുക്കും.

സംഘാടകസമിതി രൂപീകരണയോഗം അവണൂർ പഞ്ചായത്ത് പ്രസിഡണ്ട് തങ്കമണി ശങ്കുണ്ണി ഉദ്ഘാടനം ചെയ്തു. പരിഷത്ത് കോലഴി മേഖലാപ്രസിഡന്റ് എം.എൻ. ലീലാമ്മ അധ്യക്ഷത വഹിച്ചു. സെക്രട്ടറി ഐ.കെ. മണി, ജോ.സെക്രട്ടറി വി.കെ.മുകുന്ദൻ, ജില്ലാകമ്മിറ്റി അംഗം പി.വി.സൈമി, ട്രഷറർ എ.ദിവാകരൻ, എ.പി.ശങ്കരനാരായണൻ , കെ.വി.ആന്റണി, ടി.സത്യനാരായണൻ എന്നിവർ സംസാരിച്ചു.

അവണൂർ പഞ്ചായത്ത് പ്രസിഡണ്ട് തങ്കമണി ശങ്കുണ്ണി ചെയർപെഴ്സൺ ആയും വി.കെ.മുകുന്ദൻ ജനറൽ കൺവീനറായുമുള്ള 50 അംഗ സംഘാടകസമിതി രൂപീകരിച്ചു.