മഞ്ചേരി മേഖലയില്‍ ഐ.ടി ശില്പശാല സംഘടിപ്പിച്ചു
ഞ്ചേരി മേഖല ഐ ടി ശില്പശാല മലപ്പുറം ജില്ല ഐ ടി കൺവീനർ സുതാര ഉദ്ഘാടനം ചെയ്യുന്നു.
മലപ്പുറം : കേരള ശാസ്തസാഹിത്യ പരിഷത്ത് മഞ്ചേരി മേഖലയില്‍ ഐ.ടി ശില്പശാല സംഘടിപ്പിച്ചു. മഞ്ചേരി ഗവ ഗേൾസ് ഹൈസ്കൂളിൽ നടന്ന പരിപാടി മലപ്പുറം ജില്ല ഐ ടി കൺവീനർ സുതാര ഉദ്ഘാടനം ചെയ്തു. ഇ എം നാരായണൻ അധ്യക്ഷത വഹിച്ചു. മേഖല സെക്രട്ടറി ഉണ്ണികൃഷ്ണൻ മംഗലശ്ശേരിയുടെ നേതൃത്വത്തിൽ ഗൂഗിൾ ഷീറ്റിൽ പ്രായോഗിക പരിശീലനം നല്കി. മേഖല പ്രസിഡണ്ട് മധുസൂദനൻ കെ , അഡ്വ അനൂപ് പറക്കാട്ട് , കെ കൃഷ്ണൻ, അബ്ദുൾ ഹമീദ് ടി പി, മേഖല ട്രഷറർ ദിനേഷ് കെ കെ , ജില്ലാ കമ്മറ്റി അംഗം ജലീൽ എടവണ്ണ, ഗ്രന്ഥശാല സംഘം സംസ്ഥാന സമിതി അംഗം ശിവകുമാർ പുറ്റാനിക്കാട്ട് , പൂക്കോട്ടൂർ യൂണിറ്റ് സെക്രട്ടറി പി ഗോപിനാഥൻ , പന്തല്ലൂർ യൂണിറ്റ് സെക്രട്ടറി ഐ പി ബാബു , എടവണ്ണ യൂണിറ്റ് സെക്രട്ടറി സഗീർ മുണ്ടേങ്ങര, ബാബു മാണിക്കോത്ത് തുടങ്ങിയവർ പ്രസംഗിച്ചു.
പരിഷത്ത് യൂണിറ്റ് തലത്തിലുള്ള കണക്കുകളും മറ്റും ഡിജിറ്റിൽ രൂപത്തിലാക്കി അവതരിപ്പിക്കാൻ യൂണിറ്റിനെ പ്രാപ്തമാക്കുകയാണ് ശില്പശാലയുടെ പ്രാഥമിക ലക്ഷ്യം. ഇതു വഴി പേനകളുടേയും കടലാസിന്റേയും ഉപഭോഗം കുറച്ചു കൊണ്ടുവരാനും കഴിയും.
